Cuboo... siapo yang dak inget rasonyo disegak-segak kakak tingkat pas opdik tanpa sebab yang jelas? (iiiiii.......pacak nian....awak opdik tulah ruponyo yang nentuke jalan hidup hahahahaha......yang tau...yang tau.....-red). Ado yang jadike lagu "Tak Bisa Kelain Hati" KLA Project jadi lagu kenangan ado jugo yang jadike "Hanya Satu Kata" Hari Mukti untuk kenangan Precious Moment...hahahahhaa ladas nian man ngingetnyo..... Trus, makmano pas berebut ngantri di tempat potokopi, nak ngantri arsip lab fisika dasar. Maen set-sot di bawah pohon-pohon nan rindang. Nginep di himpunan. Melok jadi penyiar radio, ehhhmm.... yang ngetop tuh rasonyo penyiar idola anda 92-49 yang minta jemput samo "Negeri di Awan".....minta jemput jam 7 malem sampe jam 12 malem idak dijemput jugo hehehehehe (jangan lupo trade mark hehehe tu).

Aiii... banyak igo kenangan yang dak abis2 buat dibahas. Melok Liga ini Liga itu. Ngeroyok sano ngeroyok sini dan belom lagi ado yang karirnyo dak lepas dari seksi konsumsi, awal karir wakil seksi konsumsi akhir karir jadi ketuo seksi konsumsi. Belom lagi soal jajanannyo. Makan pempek panggang samo lenggang di pantai. hmmm... sllrpp... jadi teringet kuah cukonyo yang sedap. Trus, model samo baso di kantin Dharma Wanita Teknik yang kantinnyo tempat budak-budak Teknik ngecengi budak Ekonomi sambil nawarke masa depan. Eh, jangan lupo dengan kantin Etek yang mie ayamnyo sedaaap.. Sambil minum banyu es jeruk nipis ... cacamm... segernyo. Cuman ado jugo yang tekejut makan idak segalo idak dapet invoice dari Etek tagihan utang kopi secerek. Ado jugo radio ilang dihimpunan..pokokmyo siapo yang ngembeknyo kami sumpahi dak kayo-kayo hahahaha buruk nian sumpah tu...sumpahan bujang jelihim